மது அருந்த பணம் கொடுக்காததனால் இளைஞர் ஒருவர் தனது தந்தையை வெட்டிக் கொலை செய்த சம்பவம் ஒன்று இடம்பெற்றுள்ளது.
விழுப்புரம் அருகே உள்ள .குமாரமங்கலம் என்ற பகுதியிலேயே இந்த கோரா சம்பவம் நடைபெற்றுள்ளது.
தொழுநோயாளியான பாலுச்சாமி (60) மற்றும் வெள்ளையம்மாள் (55) ஆகியோரின் வளர்ப்பு மகனான விஜயராம் (36) கோழி இறைச்சி கடை நடத்திவந்துள்ளார்.
இந்த நிலையில் குடிபோதைக்கு அடிமையான விஜயராம் நேற்று இரவு 10 மணிக்கு தனது தாய் தந்தையிடம் குடிப்பதற்கு பணம்கேட்டு சண்டைபிடித்துள்ளார்.
எனினும் குடிப்பதற்கு பணம்கொடுக்க தாய் தந்தையர் மறுத்தபோது ஆத்திரமடைந்த விஜயராம் வீட்டில் இருந்த அரிவாளை எடுத்து இருவரையும் சரமாரியாக வெட்டியுள்ளார்.
இதில் தந்தை பாலுச்சாமி சம்பவ இடத்திலேயே பலியாகியதுடன் தாய் வெள்ளையம்மா படுகாயமடைந்த நிலையில் உளுந்தூர்பேட்டை அரசு மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார்.
சம்பவத்தை அடுத்தது விஜயராம் தப்பிச்சென்றுள்ளதுடன் தலைமறைவாகியுள்ளதாகவும் தெரிவிக்கப்பட்டுள்ளது.
இந்த நிலையில் விஜயராமை உளுந்தூர்பேட்டை காவல் துறையினர் வலைவீசி தேடி வருவதுடன் சம்பவம் தொடர்பான மேலதிக விசாரணைகளை காவல் ஆய்வாளர் ரவிச்சந்திரன் தலைமையில் முன்னெடுத்துள்ளனர்.
